ლერწამს ვინ ახსენებს აუგად,
უთქმელმა სიტყვებმა გამომჭრეს ყელი;
ლექსად გარდასახვას რა უნდა, -
სიმღერად ქცევაა ძნელი.
დროს მცირე სპექტაკლი დაუდგამს,
სიცოცხლეს თამაშობს ნამდვილი მკვლელი,
ფანჯრის გამოღებას რა უნდა, -
ფანჯრიდან გადაფრენა ყოფილა ძნელი.
ღრუბლებთან ვაგრძელებ საუბარს,
ღვთაებრის სასწაულს ველი;
არადა, აქ მოსვლას რა უნდა, -
იქ წასვლა ყოფილა ძნელი.
There are no comments yet.
Leave your comment, start the discussion!