Живееле некогаш еден брачен пар кои имале дванаесет годишен син и едно магаре.
Тие одлучиле малку да патуваат, работат и да го запознаат светот и така тие тргнале на пат.

Кога дошле до првото село луѓето почнале да коментираат: " Погледнете го она невоспитано
момче, тоа седи на магарето додека неговите сиромашни стари родители го влечат магарето ".
Жената тогаш му рекла на мажот: " Нема да дозволиме на луѓето да зборуваат така лошо за
нашиот син ". Мажот го симнал детето и тој седнал на магарето.

Кога дошле до другото село луѓето мрмореле: " Погледнете го ова, како не му е срам на овој
човек, ги пуштил женаму и детето да го влечат магарето додека тој си седи ".
Тие одлучиле жената да седне на магарето, а мажот и синот да го држат за уздите.

Дошле така тие и во третото село кога луѓето повторно коментирале: " Кутриот човек !
Цел ден работел, а женаму си седнала на магарето. И кутриот син ! Кој знае што го очекува
со таква мајка " .
Тогаш тие решиле да се качат сите тројца на магарето и да продолжат по патот.

Кога стигнале до следното село слушнале како жителите коментираат дека на кутрото
магаре ќе му пукне грбот поради преголемата тежина.
И тогаш тие сите тројца се симнале од магарето и одлучиле да одат покрај него.

Кога проаѓале покрај следното село, не можеле да повеуваат на коментарите на луѓето
и кои им се смееле:
" Погледнете ги овие три будали... одат, а имаат магаре кое може да ги носи ".


- Луѓето секогаш критикуваат и коментираат, што и да направиш...
Тешко е на сите да им се угоди, а тешко е и да најдеш особи на кои ќе им бидеш добар,
токму таков каков што си.
Затоа живеј го животот како ти мислиш и веруваш, и прави го тоа што срцето ти кажува...

Like! 13